شعر فى القوطة

حتى انتى يالى اسمك قوطة*** بتزلى فينا ومبسوطة
حرام عليكى يا مجنونة ***خليكى عاقلة ومظبوطة
عامللنا أزمة وشبورة ***وبقيتي في السوق مشهورة
وكل يوم طالعة في جرنال*** ومنزلنلك كام صورة
بقى ليكى سعر وليكى قيمة*** يا مفعصة وعاملة سليمة
دة مش بعيد بعد شوية*** نشوف جنابك في السيما
من امتى انتى بعشرة جنية*** والناس غلابة هتعمل إيه
بقيتي أغلى من التفاح ***ومنفضلنا وعاملة أميه
مجنونة اكتر من العادة*** والحالة جفت بزيادة
يارب أشوفك يا طماطم ***من السرايا واخدة شهادة
دة حتى شكلك مش هو*** وبايظة خالص من جوه
رضينا وانتى معندانا*** واخدة الأمور عافية وقوة
حرام عليكى خنقتينا*** وبأي حق تزلينا
من بعد ما دخلتي في أزمة*** الكل بقى يلعب بينا
هنشتكيكى يا قوطة لمين*** ولحد امتى نقول صابرين
آه ياخوفى منك يا طماطم*** ليصرفوكى مع التموين
هنضيع ونحتاس من غيرك ***وعلى العموم كتر خيرك
أخرتها بردو يابنت الناس*** تقلى أصلك وضميرك

هههههههههههههههه
جميلة
تسلم ايديكى

[ندعوك للتسجيل في المنتدى أو التعريف بنفسك لمعاينة هذه الصورة]



يااااااااااااااااااااااا شيري

هههههههههههههههههههه

هي القوطه بكام دلوقتي .

ههههههههههههههههههههههههههه

حلوة

حمرا

.
.
.

يا قوطة

امبارح كان السوق شرينا القوطه بتلاته بس فبلاش تفتروا

جميله التعليقات دي علي فكره

على الرحب والسعه