[ندعوك للتسجيل في المنتدى أو التعريف بنفسك لمعاينة هذه الصورة]بس بس بس ..ايوه انت لوسمحت
ممكن اسألك سؤال مهم ؟؟؟؟؟
تقدر تلبس هدومك اللي مش نضيفه قبل ما تتغسل؟؟
بتقول لااااا لازم تتغسل الاول اكيد وتتكوي كمان
!!!!!
طيب اشمعني يعني انا شايفاها حاجه عاديه علي فكره
!!!
ايه مستغرب من كلامي اوي كده ليه؟؟؟
بتقول علشان بتبقي ريحتها مش حلوه وانت بتأرف منها
وكمان الناس هتقول ايه البني ادم اللي ريحته وحشه ده ولبسه مش حلو
!!!!!
اصل انا شايفاك بتسيب حاجه اهم بكتيــــر من هدومك مش نضيفه ومش بتفكر تغسلها
!!!
ايوه بجد انت بتهتم بشكلك قدام الناس وقدام نفسك ومش بيهمك شكلك قدام اللي اهم
من كل دول
طيب طيب متتعصبش هفهمك قصدي اهو بس الاول صل علي الحبيب المصطفي
اللهم صل وسلم وبارك عليك يا حبيبي يارسول الله
يعني انت لما بتعمل ذنب او معصيه وبعدها بشويه تعمل ذنب تاني او معصيه
وبعدها ممكن تكرر نفس المعصيه او تعمل حاجه غلط تانيه
ليه مش بتفكر تغسل نفسك من كل الذنوب ديه؟؟؟
ايوه طبعا تغسل ذنوبك بالاستغفــــــار
ماهو لو الذنوب والمعاصي ليهم ريحه والله كان كل واحد مننا قعد في بيته ومفكرش يخرج ولا يقرب من حد
وكنا احنا نفسنا هنأرف من من نفسنا ومش هنطيق ريحتنا
عاوزين يا اخواني واخواتي نخلي الاستغفار والتوبه لربنا سبحانه وتعالي علي طول في لسانا
خلونا طول ما احنا قاعدين نقول استغفر الله الذي لا اله الا هو الحي القيوم واتوب اليه
ماهو مش معقول نعمل حساب للناس وانهم ممكن يضايقوا مننا ومن ريحتنا لو مش حلوه
ومنعملش حساب غضب رب العالمين سبحانه وتعالي علينا لما نعمل ذنب او معصيه
وكمان علشان تعرفوا ان ربنا اد ايه رحيم وكريم علينا خلي كثره الاستغفار سبب في سعه الرزق لينا
يعني لما بتستغفر ربنا بتكون تبت من ذنبك وطلبت رضا ربك عليك وكمان اخدت ثواب في الدنيا
خلاص بقي من هنا ورايح هنخلي الاستغفار شعارنا؟؟؟؟
يلا نرجع شعارنا اللي اتفقنا عليه من فتره ونقول
عفوا يا ذنوبي فقد حان وقت الاستغفار
ومتهيألي بقي مش هنلاقي احلي من الوقت اللي احنا فيه ده علشان نستغفر ونتوب وندعي بكل اللي عاوزينه
ماهو سبحانه وتعالي من كرمه ورحمته بينا بيتنزل كل يوم في الثلث الاخير من الليل ويقولنا
هل من تائب لاتوب عليه؟؟ هل من سائل لاعطيه؟؟؟ هل من مستغفر؟؟؟لا غفران ؟؟
جزاكم ربي الفردوس الاعلي