الوشوش دي مش غريبه عن عنيك وعن عنيا
ناس بريئه كان هدفها بلدها تتغير شويه
كل ده من غير مصالح كان ده كله بحسن نيه
حاسس اني أعرفهم كلهم
حاسس ان انا فيا منهم
ملامحهم روحهم دمهم
دول مصريين
ماهو مش معقول ولا ذنبهم
يخرجو يندهو علي حلمهم
يتاخد منهم عمرهم
ده يرضي مين
عشان احنا نعيش استشهدوا ولا مال ولا حاجه تعوضو
انصرهم قلبك جمده خليك أمين
دول كانو شباب من سننا
والأصغر واكبر مننا
امر الناس ديا يهمنا مسكتش عليه
كلنا هنكمل حلمهم
دول ضحوا عشانا بنفسهم
ولايمكن هيضيع حقهم لو يحصل ايه
في الجنه مكانهم مش هنا
ارتاحو وراحو لربنا
وهيفضلو جوه في قلبنا دايما عايشين