كيف تطفشين عريساتعالوا بسرعه
موضوع عويص جدا
تكونى قاعدة فى أمان الله ويجيلك واحد أمه داعياله لكن داعية عليكى انتى
وتلاقيه جايلك
زى بتوع الضرايب
دخلتهم كدة على الواحد تقبض أصلا
المهم
يتشرط بقى ويعمل فيها بتاع كدة وإيه ويطلع فى الآخر إيحة وبخيل وجلدة
مش كلهم طبعا
اكيد فيه ناس كدة
لإما بخيل
لإما رخم
لإما واقف
لإما بارد وما بيهموش
لإما بتاع ماما
صح؟
كتير منكم يا حرام ما بيبقاش عارف يتصرف ازاى
أقولك يا حبيبتى
المفروض ان اى واحد أكيد يعنى زى ما بسمع
بياخد ميعاد
لما يكون جاى
كهربى الدواسة بالجرس بقى،بنور السلم اتصرفى
وخدى بالك ان الدواسة تكفى لشخصين أو ثلاث
لإما
هوا و مامته
أو
هوا و مامته وأخته
بعد كدة
خشى على السلم وخدى بالك وانتى طالعة احسن تتكهربى وتعملى حركة الدواسة دى بعد ما كل اللى فى البيت عندك ييجوا من برة يعنى ما فيش مجال انهم يخرجوا تانى ولا جاتوه ولا بتاع
ماشى؟
السلم بقى امليه ماية وصابون وبوية(دهان)
ويبقى كتر خيرك لو ضفتى لمسة منك بصرصار بخمس رجول
ما اعرفش هتجيبيه منين بس اتصرفى
بعد كدة
خشى على الشقة و خدى بالك من الدواسة المتكهربة
اوعى اول ما تدخلى تدخلى على اوضتك
لا يا حبيبتى
ماما تعبانة يا عينى فى المطبخ
اعرضى عليها المساعدة اللى ما بتجيش الا كل سنة مرة
ولحى عليها انها تدخل وتسيبلك المطبخ وانتى هتظبطى وقوليلها ان انتى هتعتمدى على نفسك وانك بقيتى عروسة .............إلخ من الاسطوانة إياها
بعد كدة
هتلاقى مامتك حاطة الجاتوه فى التلاجة
بلاش طفاسة وتاكلى
تماسكى يا فالحة
امسكى حتة الجاتوه
وارشقى كدة عظم فراخ من كل حتة بحيث اللى يشوفه ما بلاحظش اللى ياكل بس اللى يلاحظ
وشوية شطة بس تكون بيضة عشان ما تتفقسيش
وحطى الجاتوه على الصينية اللى تكونى حضرتك زفلطيها بصابون عشان تكون مزفلطة كدة وجميلة وما حدش يطيق يبصلها
ماشى؟
بعد كدة
خشى على اوضتك
حضرتك طبعا لازم تكونى جمييييييييييييييلة جدا جدا فى يوم ما يعلم بيه إلا ربنا زى ده
عندك ماكياجك؟ والأسلحة؟ والمولتوف؟
اشتغل يا معلم
البودرة ما توكنش بودرة
شوية دقيق وريحى نفسك
لجعلك أكثر بياضا لو ما لقيتسش استعملى تايد
الآى شادو يكون أحمر فى فحلقى ولمسة من الأسود تخليه أكثر قباحة
خشى على الروجاجو
برتقالى وحتة موف
وما تنسيش الروجواجو اللى بيبقى على الانف
احمر بس تقليه أوى عشان يعرف انك عندك برد كدة
الروج
حددى بالاسود واملى بالأزرق
وخدى بالك
عايزين كدة بقلم الكحل
علامة جميلة على خدك شرطة بالطول طولها 5 سم
وشرط عليها بالعرض بين كل واحدة وواحدة 1 سم
عشان يعرفوا انك سوابق وواخدة مطواه
من الآخر
بت مخلصة
خلصنا الماكياج
خش على اللبس
البت فهيمة الخدامة عباية المواعين بتاعتها جميلة وريحتها ترد الروح
وعلى شعرك خيشة المطبخ
وهنبقى نصلح شعرك بعدين بطريقتنا
وبعدين هنعمل ايه؟
هتجيبى فصين توم و تبشريهم
وبالهنا و الشفا
لو مش بتحبيه
خلاص ادهنى التوم المبشور على العباية
بعد كدة بتلات دقائق
هتسمعى صوت خبط على السلم
و آه وطاخ وطيخ اعرفى انهم جم
وبعدين حالة إغماء من الصواعق الكهربية
وابقى طمنينى العريس عامل ايه هوا و عيلته فى المستشفى