كان الطريق مسدود والضرب مالي الدرب
وأنا والولاد ماشيين والشرق شبه الغرب
كان الصراخ عالي والمجروحين يامه والجيش لقانا بشر أعلن علينا الحرب
موتوهم دول حُثاله دول رزية دول زباله
عندهم عشق لبلدهم دبحهم عين العدالة
يا بلادي بشتكيلك ضربوا فيكي وضربوا فيا
وإني مهما طلعت نازل وإنتي فرحانة بنزولي هما عاوزينك تقولي كان حلال الضرب فيا
إضربيني إنتي بيمينك مرمغيني جوه طينك
بعدها هـ أغسل هدومي وأبتسم وأبوس جبينك
وإن خيروني ما بينك وبين بلاد الكون من غير كلام راح أكون عاشق وهختارك
تشرق الشمس على اولادك اللى باعوكى وانا عمرى مبعتك
هنصرخ كلنا ونعلى صوتنا ونقول بنحبك يا مصر