احدث النكت المصرية
مجموعة من الكلاب قاعدين مع بعض بيتكلموا فى موضوع
الأول قال: هوهو
التانى قال: هوو هو
التالت قال: هوووهوو
راح الرابع قال وووووووو
رد عليه واحد قاله لوسمحت ما تخرجش عن الموضوع
واحد عنده برد.. راح للدكتور..
فالدكتور سأله.. انت بتهوى بيتك كويس..
فقاله لا ..
فقاله افتح الشبابيك كل يوم قبل ما تنزل وتعالى ليه بعد اسبوع..
بعد اسبوع راح للدكتور
فسأله الدكتور.. ها البرد راح
فقال له البرد راح والتليفزيون راح والفيدو راح
ليه بلدياتنا بيحط معلقة فى بقه وهو نايم؟
(عشان يتقلب صح)
ليه الفيل بيلبس شورت أخضر
(عشان لما يختبئ فى البطيخ ما يبانش)
ليه الفيل بيلبس شورت أحمر
(عشان الأخضر مغسول)
إيه اللى بيطير فى السماء وينور ويطفى
(عصفورة لابسه أميجو بينور)
ليه بلدياتنا لما يدخل يستحمى ياخد معه ابرة وفتلة
(عشان لو المياه انقطعت يخيطها)
ليه بلدياتنا بيدق مسمار 10 سم فى صدر طفله
(عشان يشبك فيه البزازة
ما هو التشابه بين إزازة الريحة والجواز
(الريحة قسمة والشبراويشى والجواز قسمة ونصيب)
مرة واحدة تخينة اوي مسكت حرامي قعدت عليه فطسته
نادت علي ابنها وقالت له روح نادي أبوك بسرعة ردالحرامي من تحتها :بسرعة ياله
غبي طلع من الامتحان دايخ، لي؟! كان مبرشم على المروحة .*
غبي يدرس فوق السطح، ليه؟! يقدم دراسات عليا *
غبي يدرس خارج الفصل ليه؟! عشان يقول الناس أنه يدرس في الخارج*