مات اخويا ف الثورة ......... وانا مت فى الاستاد
قلبولك قلبك الابيض .. اما بقى لونه سواد
...
قتلونى ياما .. وحسدونى على الاستشهاد
ولا عايزنى شهيد .. ولا سايبنى اعيش
ابكى ومتسمعيش ..
اللى قالو متعيطيش
ولو هتسكتى هتسكتى ليه ؟
لما انزل بعلم فريقى .......... وارجع متكفن بيه
تستنى ايه ؟
دا يبقى حرام لو مصرختيش
ابكى ومتسمعيش ..
اللى قالو متعيطيش
ومتخافيش ..
مش هيقولو عليكى ندابه
دى حتى كتب التاريخ كلها طلعت كدابه
قالو ان الهكسوس ماتوا من سنين
طب واللى قتلونى دول يبقوا مين؟
مش معقولة مصريين
وانا مش ذنبى انى كنت للكورة هاوى
وامشى مع فريقى ف اى مكان وغاوى
حتى لما يسافر بتمرمط عالقهاوى
قتلونى علشان مصرى
ولا علشان اهلاوى!!