القــائــــد
أهلا ومرحبا بكم في منتدي القائد ونرجو ان تكونوا في تمام الصحة والعافية

القــائــــد

معا نحو مستو تربوي و تعليمي ارقي************** مع تحياتي : أ محمد طاهر(Admin)
 
الرئيسيةاليوميةس .و .جبحـثالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» بوتفليقة من القرجة للجلطة والبرويظة ..راسه ما يرفعش له يا اباه
الإثنين يناير 08, 2018 1:17 am من طرف ربيع سعداوي

» الــchef daira عندنا والــcommissaire
السبت ديسمبر 16, 2017 1:19 am من طرف ربيع سعداوي

» مشكل الطلبة ان الدكاترة يعزفون بالمصطلحات..التناص..اللسانيات...والرايس ميت
الثلاثاء مايو 30, 2017 11:25 pm من طرف ربيع سعداوي

» اربع فيديوات في الحملة 4 ماي 2017
الثلاثاء مايو 30, 2017 11:15 pm من طرف ربيع سعداوي

» @ اختار فاكهتك لتعرف شخصيتك .. @
الجمعة يوليو 04, 2014 4:39 am من طرف sad no love

» انا اصلى مجرد انسان
الجمعة يوليو 04, 2014 4:35 am من طرف sad no love

» موديلات عبيات تحفة
الجمعة يوليو 04, 2014 4:33 am من طرف sad no love

» قصه 3 ثانوى (الفصل التانى) سجين زندا
السبت ديسمبر 21, 2013 7:36 pm من طرف مش عارفة انا مين

» قصه 3 ثانوى مترجمه ( الفصل الاول) سجين زندا
الجمعة ديسمبر 20, 2013 6:55 am من طرف مش عارفة انا مين

أفضل 10 أعضاء في هذا الأسبوع

شاطر | 
 

 أغرب 100 مثل شعبي

اذهب الى الأسفل 
كاتب الموضوعرسالة
جوهرة
نائب المدير
نائب المدير
avatar

عدد المساهمات : 1167

تاريخ التسجيل : 18/11/2010

الموقع : القائد

مُساهمةموضوع: أغرب 100 مثل شعبي    السبت نوفمبر 27, 2010 5:48 am

-الإبرة إللى فيها خيطين ماتخيطش
2- ارميه البحر يطلع في بقه سمكة
3-إللى عاوز تحيره خيره
4- إللى قرصه الثعبان يخاف من الحبل
5-إللى يربط فى رقبته حبل ألف من يسحبه ( يجره )
6- إدينى عمر وارمينى البحر
7- إش ياخد الريح.ن البلاط
8- إللى على راسه بطحة يحسس عليها
9- ابعد عن الشر وغنى له
10- الكتكوت الفصيح من البيضة يصيح
11- إللى حبه ربه واختاره جاب له حاجته لعند داره
12- قيراط ملك ولا فدان شرك
13- قال يا جحا فين بلدك قال إللى فيها مراتى ومفيهاش حماتى
14- إمشى عدل يحتار عدوك فيك وإمشى عوج يحتار صديقك فيك
15- مش كل مرة تسلم الجرة
16- لف سنة ولا تخطى قنا
17- يخاف من الخنفسة ويلعب بالثعبان
18- كل ما يعجبك والبس ما يعجب الناس
19- يادى الشيلة يادى الحطة روحت على جمل وجيت على قطة
تعليق / مثل من قبيل التهكم
20-اللوح قال للمسمار إنت فلقتنى , قال المسمار لو كنت تعرف الدق إللى فوق
دماغى كنت عذرتنى
21- خد الأصيلة ولو كانت على الحصيرة
22- ما يغرك رخصه هاترمى نصه
23- خنفسة شافت ولادها ع الحيط قالت دا لولى ملضوم فى خيط
24- زى المش كل ساعة بوش
25- الغايب مالوش نايب
26-الفاضى يعمل قاضى
27- بصلة المحب خروف
28- الحلو ما يكملش
29- جه يكحلها عماها
30- طول مابن آدم حَىّ رزقه جَىّ
31-مطرح ما ترسى دق لها
32- الضمانة أولها شهامة وآخرها غرامة
33- قول فى وشه ولا تغشه
34- إللى ملوش خير فى أهله ملوش خير فى الناس
35-الرجل تدب مطرح ما تحب
36- الصيت ولا الغنى
37- العبد فى التفكير والرب فى التدبير
38- العرق يمد لسابع جد
39- العين بصيرة والايد قصيرة
40- بيع الجمال واشترى خفة الجمال كتيير بس الخفيف صدفة
41- وقت القصعة نبقى تسعة ووقت الحاجة نبقى وحادى
42- إللى من دمى ما يخلى من همى
43- إللى يسعدها زمانها تجييب بناتها قبل صبيانها
44- إكنس بيتك ورشه ما تعرف مين يخشه
45-المال السايب يعلم السرقة
46- ابن الوز عوام
47- باب النجار مخلع
48- حبيبك يمضغ لك الزلطوعدوك يتمنى لك الغلط
العروسة للعريس والجرى للمتاعيس
49- إن عيط ابنك عيط معه ما تعرف إللى بيوجعه
50- إن خوفت ما تقولش وإن قولت ما تخافش
51- إللى يخاف من العرسة ما يربيش كتاكيت
52- إللى يبيع يغتنى سنة واللى يشترى يفتقر سنة
53- قالوا للكاتب استريح قام وقف
تعليق / أى إن الراحة تكون حسب أحوال الشخص
54-إللى يعمل إيده مغرفه يصبر على ضرب الحلل
55- قال له نام لما ادبحك قاله دا شئ يطير النوم
56- إن اصطلح القط والفار خرب دكان البقال
57- من كتر خطابها بارت
58- طمعنجى بنا له بيت فلسنجى سكن له فيه
59- إللى تخاف منه ما يجيش أحسن منه
60- يا قاعدين يكفيكوا شر الجايين
61- إن عشقت اعشق قمر
من بره هالله هالله ومن جوه يعلم الله
62- الجواب ينقرى من عنوانه
63- يا واكل قوتى يا ناوى على موتى
64- إللى ما لوش شغله تشغله يفتح الباب ويقفله
65- الله يخليكى يا شدة يا لى بينتى دا من دا
66- عمر العدو ما يبقى حبيب وعمر شجرة التين ما تطرح زبيب
67- يا فاحت البير ومغطيه لا بد من وقوعك فيه
68- أن غاب القط العب يا فار
69- علشان الورد ينسقى العليق
67- كل فوله ولها كيال
68- السلف تلف والرد خسارة
69- البيت بيت ابونا والغرب يطردونا
70- نايم فى المية وخايف من المطر
71- قال يا جحا عد أمواج البحر قال الجايات اكتر من الرايحات
72- الجار جار ولو جار
73- تموت الحداية وعينها فى الصيد
74- بعد العيد ما يتفتلش كحك
75- لا تعايرنى ولا أعايرك دا الهم طايلنى وطايلك
76- إصرف ما فى الجيب يأتيك ما فى الغيب
77- قد النملة ويعمل عملة
78- قليل البخت يلاقى العضم والكرشة
79- إللى يجى فى الريش بقشيش
80- إللى يعمل نفسه ردة تنكشه الفراخ
81- إن كان لك صديق وبدك تبقيه لا تاخد منه ولا تديه
82- البنت ضرة أمها
83- دخانك عمانى وطعامك ما جانى
84- خدوا فالكم من عيالكم
85- لا تذم ولا تشكر إلا بعد سنة وست أشهر
86- إفتكرناك يا ضيف خفيّف , لقيناك يا ضيف تشتى وتصيّف
87- زى الطبل صوت عالى وجوف خالى
88- اللي اختشوا ماتوا
89- تيجي تصيده يصيدك
90- ضربتين في الراس توجع
91- ما شتمك ألا اللي بلغك
92- ما ينوب المخلص إلا تقطيع هدومه
93- ميه من تحت تبن
94- عمر الشقي بقي
95- يسرق الكحل من العين
96- الكذب مالوش رجلين
97- كلمة يا ريت ما تعمر بيت
98- لا منه ولا كفاية شره
99- اللي في الحلة تطلعه المغرفة
100- "يشتمني في زفة ويصالحني في عطفة
الرجوع الى أعلى الصفحة اذهب الى الأسفل
الفردوس مرادى
عضو نشط
عضو نشط
avatar

عدد المساهمات : 89

تاريخ التسجيل : 12/07/2011

العمر : 21


مُساهمةموضوع: رد: أغرب 100 مثل شعبي    الخميس يوليو 14, 2011 6:34 am

امثال شعبيه بس جامده جدا
الرجوع الى أعلى الصفحة اذهب الى الأسفل
 
أغرب 100 مثل شعبي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
القــائــــد :: || ركن الطلاب || :: المرح و الفكاهة-
انتقل الى: