Mr. Mohammad Taher مديرعام الموقع
عدد المساهمات : 1085
تاريخ التسجيل : 19/07/2010
العمر : 41
الموقع : القائد لتعليم اللغة الانجليزية
| موضوع: حكاية كل شاب الثلاثاء نوفمبر 30, 2010 6:08 am | |
| بسم الله الرحمن الرحيم دي حاجة بسيطة بنتخيل بيها رحلة حياة سعيدة بيحلم بيها كل شاب يبحث عن ذاته صورتها ف قصيدة الهمت فيها الكلمات ياريت ماتملوش من طولها وتقولو رايكم بصراحة فيها
حبيتك لاهتمامك. . . . . حبيتك لاحترامك حبيت فيكي التواضع . . . . .والعزة اللي ف كلامك مبسوط منك لأنك . . . . .إسلامك كل همك أنا أصلي قابلت بابا . . . . . واداني فكرة عنك وسألته عن طباعك . . . . . إن كانت يعني هادية فحكالي عن سماعك . . . . . لكلامه وانت راضية وازاي بتسلي نفسك . . . . .بالخير وانت فاضية وحلاوة كل زوقك. . . . . .وإزاي بتكوني غادية
وسألته إن كنتي فاهمة . . . . معنى كلمة زوجين قالي هتكونوا ورقة . . . . . . مطبوعة نسختين غني كنت أو فقير . . . . . . ليك عند بنتي دين سرك هيكون في بير . . . . . معرفش مكانه فين تفضل دايماً كبير . . . . . . . في نظرها حبتين لو جيت بفلوس كتير . . . . . تطمن جت منين
هتكون دايماً معاها . . . . . . سيرتك هتكون هواها والشوق اللي ف خيالك . . . . .. . . تلقاه لحظة لقاها لو جيت زعلان ف مرة . . . . . . . إرمي همومك وراها ومهما شوفت بره . . . . . . مش هتشوف مستواها واطمن يابني خالص . .. . . . عقلها مافيهوش تفاهة وزي ما هي بنتي . . . . . .. بنت حماتها وحماها
وسألته عن ولادي . . . . . . . . منك هيكونوا إيه؟ قاللي هيكونوا عادي . . . . . . . فسألته يعني إيه؟! قاللي العادي إللي كان . . . .. . . . عند الناس من زمان العادي بتاع سراقة . . . . . .. . . وحذيفة بن اليمان العادي بتاع أسامة . . . . .. . . وابن الحكيم لقمان
ده العادي بتاعنا إحنا . . .. . . . . بنربي عليه عشان لو جينا ولا رحنا . . . . . . هنقابل الرحمن عمرك ما تخاف عليهم . . . . . . . . ولادك في الأمان أنا بنتي هتربيهم . . . . .. . . ع السنة والقرآن هتشوف ابنك بيصحى . . . . . . . مادام سمع الأذان ينزل في الفجر يقرا . . . . . .. . . بالسجدة والانسان هتشوف في حجاب بناتك . . . . . . . . العفة والإحسان هتشوف إزاي مراتك . . . . .. . . هتعينك إنت كمان
وسألته عن حياتك . . . . . . . من قبل الالتزام قال أتذكر في ليلة . . . . . . . . مش فاكر أنهي عام أذان الفجر أذن . . . . . . . وقالتلي سيبني أنام فدخلت الأوضه جوه . . . . . . .. . أجيب منها الحزام وعبال ما رجعت تاني . . . . .. . . كات رجعت ف الكلام الله يجازي الشيطان . . . .. . خلاها تقول أنام بس اطمن خلاص . . . . . دلوقتي بقت تمام!
قدملي بارد . . . . . . . . قاللي اتفضل وسمي أحسن من حاجة سخنة . . . . . . . . صدقني وخدها مني
قلتله طيب ياعمي . . . . . . . يسعدني أقولك إني بطلب بنتك ونفسي . . . . . . . تناسبني وترضى عني راح شادد فجأه لبسي . . . . . . وقلب وشه وسألني
واديني فكرة برضه . . . . . .. . بتقبض كم ثواب وناوي ازاي تحسن ..............أنا شايفك لسه شاب
وسأل نفسه وسألني . . . . . . . . هيعوز إيه يعني مني؟ لو عندي كل حاجه . . . . . . . وديني مش شاغلني أحسن لك تنسى بنتي . . . . . . . ومهرك مش لازمني قلتله صبرك ياعمي . . . . . . . . وبراحتك امتحني يبقى اما أسأل تجاوب . . . . . خليك دايماً فاهمني سألتك وانت ساكت . . . . . . . . خليتني أظن ظني وفضل يسأل واجاوب ... . . . . وعشان خاطرك عصرني وظهرت النتيجة . . . . . . . .. وبفضل الله قبلني
قاللي مقبول في نظري . . .. . . . مبروك عليك ياسيدي لكن في نظرها هي . . . . . . . . نجاحك مش بإيدي وهي زمانها راجعة . . . . . . . . من تمرين السويدي خليك قاعد شوية . . . . . . . . .استنا لما تيجي هعملك من إيديا . . . . . . . كباية شاي صعيدي
سابني وقعدت أفكر . . . . .. . . . هل ممكن ترفضيني طاب قولي حتى أفكر . . . . . . . . مش يمكن تفهميني وفضل مخي يلاعبني . . . . . . . . يجيبني ويوديني وخايف م المقابلة . . . . . . . . .مرعوب بينك وبيني ودق الباب في ثانية . . . . . . . وشوفتك مرة تانية مش قادر أنسى يومها . . . . . . . . وفاكر كل ثانية
ونده والدك عليكي . . . . . . . عشان أول لقاء دخلتي وشوفت وشك . . . . . . . . . عليه نور الحياء نور والله فعلاً . . . . . . . . مش نور بودرة وزواء كان أول مرة أخاف . . . . . . من فتنة النساء أخلاقك مش عادية . . . . . وجمالك كان شفاء
قعدتي جنب والدك . . . . . . . . وسألتيني وجاوبتك وفكل مرة أجاوب . . . . . . . . كنت باشوف ابتسامتك ف أقول من جوه نفسي . . . . . . . . يارب أكون عجبتك وبعد شوية قمتي . . . . . . . ندهت عليكي مامتك ورحتي دخلتي جوه . . . . . . . وراح وراكي والدك وانا قلت مش مروح . . . . غير لما أكون خطبتك
وابوكي جاني تاني . . . . . . . . وقرب من وداني لابس كرفته سوده . . . . . . . . وبدله لون فراني المنظر يعني كله . . . . . . . . ميدلش ع التهاني قلتله مالك ياعمي . . . . . . من فضلك قول عشاني عرقي غرقلي كمي . . . . . . . سايبني ليه أعاني قاللي مستني إيه . . . . . . . فين إيدك إديهاني البنت مش موافقة . . . . . . . تتجوز حد تاني
كان أول مرة أعرف . . . . . . . . إزاي الناس بتفرح سعادتي كات غريبة . . . . . مش ممكن هقدر أشرح من كتر حبي ليكي . . . . . . نويت أضحي وادبح رحت اشتريت خروف . . . . . . وكان خروف بينطح ده أخيراً هبقى جوزك . . . . وشجرة صبري تطرح
خطوبتنا كات بسيطة . . . . . . . . مكانش فيها زيطة وفرحنا كان في جامع . . . . . . . يعني مش خلطبيطة ومامتك جت في يومها . . . . . . ورقعت كام سويطة هاتولي بنتي منه . . . . . . . دي مش فاهمة العبيطة إنه هيخطفها مني . . . . . . وهتوحشني الغتيتة
صعبت عليا مامتك . . . . . . . . . الموقف كان شديد لكن فعلاً خطفتك . . . . . . . ورحنا مكان بعيد فاكرة ولا انتي ناسية . . . . . . . أكيد فاكرة أكيد من يوم ما بقيتي زوجتي. . . . . . وانا متهني وسعيد معايا ف كل يوم . . . . . . . ويوم لؤاكي عيد عمرك ما دقتي نوم . . . . . . وانا تعبان أو مريض فلوسي كات بتكتر . . . . . . . والخير عندك يزيد وعامله ليه دفتر . . . . . . . ومرتبه المواعيد وبفضل الله قدرتي . . . . . . وجبتيلي مروان الوليد وبعديها بشوية . . . . . . . . جبتيلنا عليه يزيد وبعديه جت فريدة . . . . . وآخرهم كان سعيد
بدعيلك كل يوم . . . . . . . . . وأفضل أعيد وازيد ربيتي عيالي دول . . . . . . . . ع القرآن المجيد طول عمرك وانتي صافية . . . . . قلبك لون الجليد أخلاقهم مش عادية . . .. . . . . طلعنلك مش بعيد مروان دلوقتي ضابط . . . . . . . ومعاه رتبة عقيد ودعوة قلبي صابت . . . . . . . ويزيد أهو مات شهيد وبنتك صيدلية . . . . . . . . . وسعيد أصبح معيد الله يبارك أبوكي . . . . . . .. . راجل من نوع فريد كل اللي قاله فيكي . . . ... . أنا عشته بالتحديد
عشت معاكي ف حكاية . . . . .. . أحلى وأجمل رواية
************************************************** حكايتي كات معاك . . . . . .. . . وحكايتك كات معايا اديتك كل عمري . . . . . . . . . وهمك كان رضايا وعمرك خدته منك . . . . . . . . . وقربك كان دوايا وخلاص العمر راح . . . . .. . . . راحت أيام صبايا ومسافر رحله صعبة . . . . . . . وزادي مش كفايه مش عاوز أشوف دموعك . . . . . . بالذات ف يوم عزايا أنا عارف إنتي عارفة . . . . . . إن الموت مش نهاية دي لسة الرحلة طالعة . . . . . . والموت خط البداية
وسلامي في النهاية . . . . . . . أنا خلصت الحكاية لو يوم فكرتي فيه . . . . . . إقري شعري وغنايا وأمانه ف كل مرة . . . . . . تدعي لي بالهداية عسى ربي بدعائك . . . . .. يغفر ليا الخطايا
عدل سابقا من قبل Mr. Mohammad Taher في السبت فبراير 05, 2011 8:09 pm عدل 2 مرات | |
|
جوهرة نائب المدير
عدد المساهمات : 1167
تاريخ التسجيل : 18/11/2010
الموقع : القائد
| موضوع: رد: حكاية كل شاب الثلاثاء نوفمبر 30, 2010 7:14 am | |
| ايه ده بجد تحفه يامحمد تسلم ايدك كلامها حلو اوى | |
|
lonely man مشرف عام
عدد المساهمات : 1795
تاريخ التسجيل : 22/07/2010
العمر : 30
الموقع : مصر
| موضوع: رد: حكاية كل شاب الأربعاء ديسمبر 01, 2010 12:07 am | |
| ايه ده يا فناااااااااااااااااااااااااااااااااااااااااااااااان رااااااااااااااااااااااااااااااااااااااااااااائعه بس قولى انت اللى كاتبها على فكره يا جماعه المستر بيألف شعر انا شوفتو قبل كده | |
|
بنوتة مصرية مشرف أدبي
عدد المساهمات : 659
تاريخ التسجيل : 09/08/2010
العمر : 28
| موضوع: رد: حكاية كل شاب الأربعاء ديسمبر 01, 2010 12:13 am | |
| بجد حقيقى جميلة جدا لأ دى مش جميلة بس دى روعة دى اكتر من روعة بجد عجبتنى اوى شكرا لحضرتك | |
|
Mr. Mohammad Taher مديرعام الموقع
عدد المساهمات : 1085
تاريخ التسجيل : 19/07/2010
العمر : 41
الموقع : القائد لتعليم اللغة الانجليزية
| موضوع: رد: حكاية كل شاب الخميس ديسمبر 02, 2010 4:33 am | |
| ايه يا جماعة دا كله انتوا كدا هاتخلوني اتغر واخد مقلب عموما انا كنت متردد جدا وانا بنزلها بس كدا انتو خليتوني افكر اكتب قصايد من تاليفي واحطها ع المنتدي ويمكن اسميها خواطري او احاسيسي او كلماتي او اشعاري او قصائدي وتكون حلقات ياريت تساعدوني ف اخيار اسم وشكرا لكم جميعا علي مروركم وتقبلوا تحياتي | |
|
الله معي عضو ذهبي
عدد المساهمات : 334
تاريخ التسجيل : 30/08/2010
| موضوع: رد: حكاية كل شاب الأحد ديسمبر 05, 2010 4:52 am | |
| بجد جميله جدا يا مستر واكثر من روعه تسلم الايادي | |
|
SoKaR عضو ذهبي
عدد المساهمات : 575
تاريخ التسجيل : 23/07/2010
العمر : 30
| موضوع: رد: حكاية كل شاب الأحد ديسمبر 05, 2010 5:09 pm | |
| | |
|
شوشو عضو جديد
عدد المساهمات : 10
تاريخ التسجيل : 02/03/2011
العمر : 27
| موضوع: رد: حكاية كل شاب الخميس مارس 10, 2011 4:20 pm | |
| | |
|