قصيدة دمها خفييييييييييييييييييييييييف

[size=21]قصيدة بعنوان (كراكيب كلام )

(1)

ها نطُل تاني ف وش مين ؟؟؟!!!

حتي المرايا كمان بتكدب

(2)

ساب قضبانه القطر بقاله زمان

ولا ميت تحويلة تحاول تاني ......

قادرة تعيد سكة لقضبان

الناس الواقفة دي فوق رصفان

ف إيديها تذاكر ........

واقفة بتعمل إيه !!!!!؟؟؟؟

(3)

ساعات بيبقي الخنق والشنق .....

ساعات بيبقي ف الرقبة

عشان كده يمكن.......

مش بس هيَّ القطط .......

اللي بسبع ترواح

(4)

سأل الحاوي الحُمُّص :

إيه هوَّ يا حُمُّص حلم أحلامك ؟؟؟

قال : نفسي ف مرَّة أطلع م المولد .....

مع حد يكون يستاهل

(5)

فيه أكتر من ميت طريقة

يخُش بيها جوَّانا الناموس !!!

مشغول السلك بعَد خرومه !!!!

مستغرب قال وبيسأل :

ليه بتوسع يوم ...عن يوم ...عن يوم ... عن يو .........!!!!!!!!!!!!!

(6)

مش كُل الناس الداخله الجامع يوم الجمعة .....

بتقعد ف أول صف !!!

مش كُل الناس الطالعة من الجامع يوم الجمعة .....

بتروَّح ف إيديها بس حزم جرجير !!!!!

( ملحوظة ) ....قدَّام الجامع فيه لحم وبطيخ !!!!!!!!!!!!!!!!!!!!

(7)

أيوه أنا كنت حمار يا عيون الشمس

يوم بإيديا أديتك كُل أسناني

يوم صدَّقت كلامك عن وهم ربيع العُمر

واللي إسمه شباب القلب

وحاولت بجهلي حاولت ....

علي طرف لساني أقرقش فول !!!!!

([ندعوك للتسجيل في المنتدى أو التعريف بنفسك لمعاينة هذه الصورة]

بقي جحش العمدة ....

الواكل شارب نايم قايم

وحده ف أوضة ......فيها بابين وأربع شبابيك

وحده بطوله معهش شريك

وخمسة يوماتي بيحمُّوه بصابون

وخمسة كمان يسقوه سُكَّر ولمون

وعمولة ( البردعة ) لايقه عليه

ولا أي حمارة بتعصي عليه

إبن الإيه .....

من كتر الأكل أعصابه حديد !!!

فيه زيه حمار بأربع رجلين

فيه برضه عنين وكمان ودنين

ولا تنسي الديل !!!!!!!!!!!!!!!!!!!!!!!!!

وبيشطَّر يادوب علي تبن إن طال

والمية ف قعر البير بعكار

والبردعة لازقة ف ضهره واكلها الملح

وف ضهره ما بين الجرح وجرح.....فيه جرح

ويادوب بطلوع الروح بيروح ..... لو رضيت ليه !!!!!

ويا طال يا ما طلش

وساعات بتخونه مفاصله وما بيعرفش

ولا حتي الهبش

ما تقوليش ف الأخر كُله حمير !!!!!!!!!!!

(9)

كان فارد كيس القطن الفاضي

ف الأوضة العتمة ف بيت البنت جارتهم !!!!!

مرته كان وقتها كُله بتقضيه ...

ف عمل عرسان الطين البيضا ....بشعرها الناعم !!!

كان كل كلامه وخطبه ووعظه ومص لمونه :

وصي النبي علي سابع جار !!!!!!!!!!!!!!!

( 10)

مبقاش فيه عداوة

بين كُل فيران الجُرن وقططه

سيدنا الشيخ من حوطه

لما لاقاني سؤالي محاوطه

مصمص حنكه بنص لمونه

قال دي محبة ومش مضمونة

بص وراه حواليه واستنظر ......... عجبه المنظر !!!

قالها ودوغري قام مشَّمَّر

سد حنكها بحنكه وقفل الباب !!!!!!!!!

(11)

بغاوته البُرص شايفها بتتقلِّب قدَّامه

بتفرفر من قرص الكيتو

لو كان بص ساعتها لفوق

بدناوته مكنش يمد لسانه

ويشمتهم فيه !!!

( 12)

كانت البطلة بتاكل تفاح ف الفيلم

سألني : دا إيه

قلت : بدنجان

لمَّن جبت التلفزيون الألوان ....

مبقاش بيصدَّق ابني

مبقاش بيصدَّق منِّي

غير إني ....

جايب التلفزيون تقسيط !!!!!!!!!!!!!!!

(13)

معرفش إن كانت عرفت أمي .... أم القلب حزين

إن الكدب أتاريه كان ليه جناحين

وإنها فعلا صدقت لمَّا قالت لي :

إن الكدب ملوش رجلين !!!!!!!

(14)

ست إختلافات ف الصورة ما بيني وبيني

مع إني بعيني ....

منخيري حنكي ودني شعري وعيني

لكن قلبي معدش أنضف م الصيني

ولا عادت كلمة تجبني وكلمة توديني

مع إني بعيني

منخيري حنكي ودني شعري وعيني

(15)

إينهو الأبيض !!!!!!!!!!!!!!؟؟؟؟؟؟؟؟؟؟؟؟؟؟؟

إينهو الأسود !!!!!!!!!!!!!!!!!!!؟؟؟؟؟؟؟؟؟؟؟؟؟؟

إينهو اللي لسه مهوش رمادي !!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟[/size]

كتير حلوة [ندعوك للتسجيل في المنتدى أو التعريف بنفسك لمعاينة هذه الصورة]

شكرا علي المرور

هههههههههههه
جامدة يا مستر
(4)

سأل الحاوي الحُمُّص :

إيه هوَّ يا حُمُّص حلم أحلامك ؟؟؟

قال : نفسي ف مرَّة أطلع م المولد .....
هههههههههههههههههههههههههههههههههههههههههههه
ههههههههههههههههههههههههههههههههههههههههه
ههههههههههههههههههههههههههههههه

هاهاهاههاهاهاهاهاهاها

هو ده الشغل ولا بلاش