والله العظيم أنا مصري عليا الطلاق يالتلاته انا مصري
]والله أنا مصري أيوة...أنا مصري..ايه الغريب في كده؟؟
أنا مصري والله أنا مصري
انتو ليه مش مصدقين انني مصري؟؟
أنا بمشي جنب الحيط ومفتحشي بقي
عرفتو بقى اني مصري؟؟
أنا مليش رأي ومش حر ومليش حق
صدقتو بقى اني مصري؟؟
أنا خواف وجبان وبخاف من الحكومة ومن الصهاينة والامريكان
أبقى ايه؟؟؟.....أبقى مصري......
أنا مبقتش شعوبي ولا قومي هما عايزيني شرق أوسطي
لا لية دعوة بأخويا ولا ابن عمي..
أبقى ايه؟؟؟أكيد مصري....
أنا مبقاش يهمني فلان سرق ولا علان نهب
ولا يهمني انسان ظلم ولا اتظلم
أنا ميهمنيش الاسعار تبقى نار
أنا بسكت لا بنكت ولا بهري
ايه؟؟مش كده ابقى مصري؟؟
أنا شايف السرقة والغش والرشوة وألوث مية النيل بيديا ولا أختشي
ايه؟؟؟أيقنتو دلوقتي اني مصري؟؟؟
انا قوي وبستحمل وبستعبط
وبسوق الهبل واسوق لحد اسكندرية في ساعتين
واروح لحد وسط البلد في أربع ساعات
عشان موكب سيدنا وتاج راسنا
الي أنظف مننا....
والله العظيم أنا مصري عليا الطلاق بالتلات أنا مصري
.....وطول عمري عايش في مصر......
يبقى أنا مصري لأن مصر هي بلدي
أنا مصري يعني مصر دي كلها بتاعتي
والله العظيم أنا مص....لاء
أستغفر الله العظيم كنت حكذب
أنا مش مصري لأن مصر مبقيتش بتاعتي
مصر كذبتني وخونتني وهديتني
وشحتتني وقهرتني واستحمتني و كممتني وطرشتني واستعمتني
طب وكتــــاب الله...ايه؟؟؟
هو اني كتــاب فيهم؟؟؟؟أنا نسيت...
أصل الحكومة كمان كفرتني....
الفنان
محمد صبحي