شعر جامد اوى لمصر

• يا سلام على جنينة فى أرض مصر----الورد فيها ملاها كلها
يا سلام على جنينة فى أرض مصر---فيها الحب عايش فى كل شبر فى أرضها
يا سلام على جنينة فى أرض مصر---فيها نسمة هوا معدية فى جوها
يا سلام على جنينة فى أرض مصر---فيها شجرة الكل قاعد تحت ظلها
يا سلام على جنينة فى أرض مصر---فيها تكعيبة عنب بتداري شمسها
يا سلام على جنينة فى أرض مصر---فيها الود هو روح الناس كلها
يا سلام على جنينة فى أرض مصر---فيها عصفور معشش فى عشها
يا سلام على جنينة فى أرض مصر---فيها الحمام واقف على برجها
ياسلام على جنينة فى أرض مصر---فيها الكل بينعم بأمنها
يا سلام على جنينة فى أرض مصر---فيها البنت ماسكة بيد أمها
يا سلام على جنينة فى أرض مصر---فيها وردة بتميل على أختها
يا سلام على جنينة فى أرض مصر ---فيها البسمة على الوجوه كلها
ياسلام على جنينة فى أرض مصر---مسلم وقبطي عايشين على أرضها
وفى وسط الجنينة شجرة عليها إسمي وإسمها
إسمى العدالة والحرية هى وصفها
إسمى الانسان ودمى ممزوج بدمها
إسمى الكرامة والكل عزيز وبيحبها
وسهم المحبة بيوصل قلبي بقلبها
ومخلينا يد واحدة من أجل مصر وشعبها
وتعيش مصر حرة والكل ينعم بحضنها